இந்திய துணைக் கண்டத்தை ஒன்றிணைத்த புகழ்பெற்ற சந்திரகுப்தர் பேரரசரின் பேரன் அசோகா.தனது தாத்தாவின் பாரம்பரியத்தை நிலைநிறுத்தவும், பேரரசை பராமரிக்கவும் ஆர்வமாக இருந்தார். கல்கத்தாவுக்கும் மெட்ராஸுக்கும் இடையிலான பிராந்தியத்தில் கலிங்கம் அசோகரின் ஆட்சியை எதிர்த்தது.
இது ஒரு முழுமையான போருக்கு வழிவகுத்தது. அசோகாவின் மிகப் பெரிய படைகள் கலிங்காவின் 100,000 வீரர்களைக் கொன்றதாகவும் பிராந்தியத்தின் 150,000 கிராமவாசிகளை நாடு கடத்தியதாகவும் கூறப்படுகிறது.
அவர் போரை வென்றிருந்தாலும் போரினால் ஏற்பட்ட அத்தகைய பெரிய படுகொலை அசோகாவை திகைத்துப் போய் மனம் வருந்த செய்தது. அப்போதிருந்து, அவர் என்றென்றும் வன்முறையை கையிலெடுக்க மாட்டேன் என சத்தியம் செய்தார்.
கிமு 226 க்குப் பிறகு அசோகா பேரரசரால் ஒன்பது இரகசிய ஆண்களின் சமூகம் உருவாக்கப்பட்டது. மனித குலத்தை காக்கவே இச்சமூகம் உருவாக்கப்பட்டது. இப்படி ஒரு சமூகம் இருக்கிறது என்று 1923 ஆம் ஆண்டு வரை யாராலும் அறியப்படவில்லை. டால்போட் முண்டி என்ற எழுத்தாளர் அதே சமுதாயத்தைப் பற்றி“ஒன்பது இரகசிய ஆண்கள்” (The nine unknown men) என்ற நாவலை எழுதினார்.
இது மவுரிய பேரரசர் அசோகாவால் நிறுவப்பட்டது என்று கூறி ஒரு மேம்பட்ட அறிவைப் பாதுகாக்கவும் அது தவறானவர் கைகளில் விழுந்தால் மனிதகுலத்திற்கு ஆபத்தாகும் என்றும் அதனால் அதை யாரும் அறியாத ஒன்பது ஆண்களுக்கு அந்த இரகசிய அறிவை ஒன்பது புத்தகங்களாக வழங்கியதாகவும் அந்த புத்தகங்களை காக்கும் பொறுப்பும் அவர்களிடம் ஒப்படைக்கப்பட்டது என்றும் குறிப்பிட்டிருந்தார்.
பிரச்சாரம்: முதல் புத்தகத்தில் பிரச்சாரம் மற்றும் உளவியல் யுத்தத்தின் நுட்பங்கள் இருந்தன. இது ஒரு முக்கியமான அம்சமாகும், ஏனென்றால் ஒருவர் பொதுக் கருத்தை வடிவமைக்க முடிந்தால் அவரால் உலகை ஆள முடியும்.
Ashoka
உடலியல்: இரண்டாவது புத்தகம் உடலியல் ஆகும். மற்றும் ஒரு நபரைத் தொடுவதன் மூலம் அவரை எவ்வாறு கொல்வது என்பதை விளக்கினார். இது ஒரு நரம்பு தூண்டுதலின் தலைகீழ் மாற்றத்தை உள்ளடக்கியது.
நுண்ணுயிரியல்: மூன்றாவது புத்தகம் நுண்ணுயிரியல் மற்றும் உயிரி தொழில்நுட்பம் பற்றி விவரித்தது. ஒரு “தெய்வீக அமிர்தத்தை” உருவாக்குவது பற்றி இருந்தது. இதனை உண்டால் இரண்டாயிரம் ஆண்டுகளுக்கு உயிர் வாழலாம்.
ரசவாதம்: நான்காவது புத்தகம் ரசவாதம். அதாவது உலோகங்களின் உருமாற்றம் ஆகியவற்றைக் கையாண்டது. கடுமையான வறட்சி காலங்களில், கோயில்கள் மற்றும் நிவாரண அமைப்புகள் ‘ஒரு ரகசிய ரஷ மூலத்திலிருந்து’ அதிக அளவு தங்கத்தை எடுப்பது பற்றியதாக கூறி முண்டி தனது இந்த கோட்பாட்டை ஆதரித்தார்.
தகவல்தொடர்பு: ஐந்தாவது புத்தகத்தில் அனைத்து தகவல்தொடர்பு வழிமுறைகளையும் உள்ளடக்கியது.
ஈர்ப்பு: ஆறாவது புத்தகம் ஈர்ப்பு ரகசியங்களை ஆராய்ந்தது. மற்றும் ‘விமானா’ என்று அழைக்கப்படும் ஈர்ப்பு எதிர்ப்பு பறக்கும் இயந்திரத்தை எவ்வாறு உருவாக்குவது என்பதற்கான வழிமுறைகளைக் கொண்டிருந்தது.
அண்டவியல்: ஏழாவது புத்தகம் அண்டவியல் மற்றும் பிரபஞ்சம் தொடர்பான அனைத்து விஷயங்களையும் கையாண்டது.
ஒளி: ஒளியின் வேகம் மற்றும் அதை ஆயுதமாகப் பயன்படுத்த அதன் வேகத்தை எவ்வாறு மாற்றுவது போன்ற ஒளியின் பண்புகளை எட்டாவது புத்தகம் விவரித்தது.
சமூகவியல்: ஒன்பதாவது புத்தகம் சமூகவியல் பற்றியது. மனித சமுதாயங்களின் பரிணாம வளர்ச்சிக்கான விதிகளும் அவற்றின் வீழ்ச்சியை முன்னறிவிப்பதற்கான வழிமுறையும் அடங்கும். எனவே, ஒரு முழு கலாச்சாரம் அல்லது நாகரிகத்தை உருவாக்குவதற்கும், வளரப்பதற்கும், அழிப்பதற்கும் இது வழிகளைக் கொண்டிருந்தது.
அந்த எழுத்தாளரை பொறுத்தவரை அவர் எழுதிய இந்த கதை உண்மையானது. மற்றும் அவர் சேகரித்த தகவல்கள் அனைத்தும் இந்தியாவில் இருந்து சேகரித்தது. ஒன்பது மனிதரை கொண்ட இந்த இரகசிய சமூகம் இன்னும் இருப்பதாகவும். மனிதக்குலம் அழிவை நெருங்கும் போது காக்க வருவார்கள் என்றும் நம்பப்படுகிறது.
